Хүслээ шартаж үхэх дөхсөн амьтан босч ирэв. Учир нь тэр өчигдөр шоудаж орхисон агаад архи жаахан хэтрүүлсэндээ харамсана. "Пиво л ахиухан шиг уудаг байж” хэмээн харамсан бодов. Гэхдээ өчигдөрхөн танилцсан нэг хүүхнийд очиж болох юм байна хэмээн бодоход маш их баярлав. Тэр хүүхэнтэй өчигдөр шөнө диско бааранд танилцсан агаад бие биедээ ихэд таалагдсаныг зүрх сэтгэлээрээ мэдэрч байлаа. Царай зүс, бие хаагаар дажгүй гэж жигтэйхэн.
Хүслээ хаягийг нь авахаас цааш нэг их хэтэрч чадаагүй ч түүнтэй загас наадуулж чадна гэдэгтээ бүрэн итгэлтэй байлаа. Тэр хүүхэн түүн рүү ямар тачаангуй харцаар ширтэж байсан гэж санана. Нэг сайхан усанд орж аваад 3,4-р хороолол руу зүглэв. Бүргэд хаалганы хонхыг зориг муутайхан дарсан ч товлосон хүүхэн нь түүнийг хүлээж байсан юм шиг талимааран инээмсэглэн байж угтсан нь Хүслээд маш их урам өглөө.
Тэр хоёр удалгүй ширээний ард бие биеэ ширтээд сууж байлаа. Хүслээ эр юм хойно эхэлж яриа өдөн "Уучлаарай, би өөрийн чинь нэрийг тогтоож амжаагүй юм байна” гэвэл хүүхэн "Намайг зүгээр л Сараа гэж дуудаж болно” гээд цаанаа жоготой гэгч нь хөхөрлөө. Тэр хоёр аар саар зүйлс ярилцан Хүслээ ч авч ирсэн улаан вино, архи тэргүүтнээ задлав.
