Үрс минь байхад эрээр дутахгүй ээ, 17 той 3 ихэр охины ээж

Энэ өдрийг би мартаж чаддаггүй юм. Тэр над дээр маргааш нь ирээд хэдэн халтар төгрөг өгснөө “Наад хүүхдээ авахуулаарай” гэв. Дээрээс нь нэмж цагаан мөөг өгөхөд нь миний уур хүрч улаан нүүрэн дундуур нь өгсөн бүхнийг нь шидээд ганц сайн алгадаж аваад өчигдөр би чамд хэлсэн байхаа. Би хүүхдээ төрүүлнэ гэж. Чи сайн ойлгоогүй юм шиг байна гэхэд “Чи дөнгөж 16-хан настай байж яаж хүүхэдтэй болох гээд байгаа юм. Би ч ажил төрөлгүй. Хэрэв чи төрчихвөл би сургуулиа хаяад ажил хийх хэрэг гарна. Тэгээд хэн хэн нь боловсролгүй яах уу?

Адаглаад хадмын хаяа түшдэг юм байгаа биздээ хоёулаа сургууль соёлоо төгсөөд ажил төрөлтэй болсон хойноо хүүхэдтэй болоё л доо” гээд миний өөдөөс ширтэв… Би ч хэлсэн үгийг нь яаж мартах вэ дээ. Чиний тэр хүүхэн чинь л чамайг ажил төрөлтэй болсон хойно хүүхдийг чинь төрүүлж өгдөг юм байгаа биз. Би бол чадахгүй хэн юу гэх нь надад хамаагүй би төрнө гэснээрээ л төрнө.