Баажий эмээгийн нууц-Болсон явдал

Баажий эмээгийн нууц-Болсон явдал Хайлаастын гэр хороололд суудаг Чимэд гэдэг эртний танхил залуу надад нэгэн цочирдом, хачирхалтай түүх ярьж өгөхөд би эхэндээ инээмсэглэсэн билээ. Гэвч танил маань “Энэ бол яалт ч үгүй үнэн” хэмээн барим тавин өгүүлэх тул зөрж чадсангүй.

Чимэд-Очирын ярьснаар тэдний гудамжны өнцөгт амьдардаг Балданлхам хэмээх хөгшний насыг мэдэх хүн бол жартай гэх боловч олон жилийн өмнөөс таньдаг хүмүүсийн нотолж буйгаар лавтайяа зуун насыг зооглосон нэгэн гэлцдэг аж. Тэр хөгшин амандаа ганц ч шүдгүй мөртлөө царайд нь огтхон ч үрчлээ байхгүй, толигор цагаахан арьстай гэнэ.

Балданлхам гуайг гуч гаруй жилийн өмнөөс таних Чимэд-Очирын аав одоо жаран хоёртой. Тэрбээр анх түүнийг харж байх үедээ л Баажий эмгэн яг л өнөөдрийнх шигээ настай эмээ байсан гэж ярьдаг аж. Нөхөр хүүхэдгүй, цор ганцаараа суудаг Балданлхам хөгшин хашаандаа өвлийн дүнхгэр байшинтай, айхтар хуцаж боргодог хоёр том банхар нохойтой гэнэ. Тэднийд барагтайд хүн ордоггүй бөгөөд хороо, хорооны албан хаагчид болон хашаа хөршийн ганц хоёр хүн л ирдэг аж.

Нэг өдөр Чимэд-Очир хашаа руугаа алхаж явтал танихгүй өндөр залуу тааралдаж, Бадамхатан гэдэг бүсгүйг сураглажээ. Хоёр салаа сүлжсэн урт хар гэзэгтэй,