Оюунаа өнөөдөр гэрээсээ гарахаас өмнө нилээдгүй тольдон гангалж гарав. Нэгэн найз бүсгүй нь түүнийг ажлынхаа ганц бие залуутай танилцуулна гэж амлажээ. Тэрээр ганган хүүхэн хавар намар гэсэн үгийг төдийлөн тоолгүй аль болох биеэ ил гаргахаар хувцаслаж эхлэв. Үл ялиг багадсан хөхөвч бүхий гандсан сарнайн өнгөтэй дотуур хувцсаа хэрэг болгон гаргаж өмсөв. Хөх нь үл ялиг бариу хөхөвчиндөө багтан ядан булхалзаж, том ухлаадастай цамцны энгэрээр илхэн харагдаж байгааг сэтгэл хангалуун ажив.
Доогуураа шулуун загвартай ч бариудуухан таардаг банзал өмсөөд, хөлийг булчингаар татсаан хариухан урт өсгийтэй гутал углаад сая нэг сэтгэл хангалуун тольджээ. Ийм сайхан бүсгүйтэй танилцахаас татгалзах хүн байна гэж үү. Гэрээсээ яаран сандран гарсан Оюунаа лифт зүглэн очихдоо орцонд гаргаж хаясан сэрдгэр дөрвөлжин төмөрт шилэн трикогоо гогдож орхив. Бушуухан тонгойн эвтэйхэн салган авсан боловч нимгэн биеийн өнгөт трико нь хэдий нь жижиг дугуй нүх гарган цоорсон байх бөгөөд үл ялиг дээш нь татаж үзвэл бүр ч дэмий хэрэг болж өвдөгөө даган дээш хөвөрлөө.
Ашгүй илүү трико яаж цүнхэлж авч гарсан юм, гэртээ буцаад орвол ажлаасаа хожигдчихно. Ажил хүртэл тэсчихвэл очингуутаа сольж өмсчихнө гэж тэрээр шийдээд хүнгэнэн дуугарсаар сүртэй гэгч нээгдсэн лифтэнд яаран оржээв Долоон давхраас хүнгэнэн бууж байсан лифт нэгэнтээ угзчин хөдлөөд гурван давхар орчимд таг зогсож орхих нь тэр. Өө чөтгөр алгад гэж Оюунаа тэсгэл алдан хашгираад лифтний хаалгыг нэгэнтээ сайн гэгч нь өшиглөөд авав. Гэнэт гар чийдэнгийн бололтой гэрэл асч Оюунааг хоёр хүн гацаж орхисныг санууллаа.
Хөл чинь өвдөнө шүү дээ, оронд нь хонх дарсан нь дээр гээд эгнэсэн товчлуурын хамгийн доорх улаан товчлуурыг хэн нэгэн дарахыг хараад Оюунаа сая эргэн харав.Барилддаг болов уу гэмээр бахим биетэй, шингэвтэр ногтон сахал нь өөрт нь ихэд зохицсон гуч гаран насны залуу улаан товчлуурыг хэдэнтээ дарж байв. Хэрэггүй дээ, наад товчлуур чинь эвдрээд хэд хонож байгаа юм, энэ завсраар л хүн дуудахаас гээд Оюунаа хаалган завсар ойртон очоод жижүүрийг дуудаарай, лифт гацчихлаа хэмээн хэд хашгираад арга барагдан хаалга налав. Үл таних эр гар утсаа гарган хэн нэгэн найздаа утасдан хэлж жижүүрт хэл дуулгахыг гуйв.
Ярианаас нь ажвал тэдний орцонд амьдардаг нэгэн найзындаа хоночихоод
