Тэр зуны сүүл сарын баасан гараг байлаа. Манай компани борлуулалтын төлөвлөгөөгөө давуулан биелүүлсний баяраа тэмдэглэж, хотоос зайдуу нэгэн амралтын газарт салхинд гарахаар болов. Ажлын ачаалал, хотын стрессээс залхсан бид бүгд л ууж, идэж, задгай галын дэргэд суухыг тэсэн ядан хүлээж байлаа.
Оройн хоолны дараа виски, шар айраг голлож, хүмүүсийн яриа чангарч эхлэв. Би тийм ч сайн уудаг хүн биш боловч тэр орой яагаад ч юм бэ, дотор минь нэг л хоосон, ямар нэгэн зүйлээр тэрхүү орон зайг дүүргэхийг хүссэн үл мэдэгдэх гуниг байсан юм. Манай багийнхан бүгд л хөгжилтэй байсан ч миний анхаарал хоёр хүн дээр ээлжлэн тусаад байв.
Нэг нь манай хэлтсийн ахлах менежер, 50 дөхөж яваа Бат ах. Тэр бол туршлагатай, тогтуун, үргэлж буурь суурьтай харагддаг, хамт олны дунд нэр хүндтэй нэгэн. Харин нөгөөх нь сарын өмнө дадлагажигчаар орсон Тэмүүлэн. Тэр дөнгөж 23-тай, эрч хүчээр дүүрэн, үргэлж л наргиан хийж явдаг, царайлаг залуу. Би өөрөө 33 настай, ганц бие, карьертаа анхаарсаар байгаад хувийн амьдралаа орхигдуулчихсан тийм л эмэгтэй.
Шөнө дунд өнгөрч, хүмүүс нэг нэгээрээ өрөө өрөө рүүгээ явцгаав. Би нилээн халсан байлаа. Бат ах, Тэмүүлэн бид гурав л галын дэргэд хамгийн сүүлд үлдсэн юм. Тэр үед яг юу ярьж байснаа одоо сайн санадаггүй. Зөвхөн Бат ахын хашир хэрнээ дулаахан харц, Тэмүүлэнгийн залуу хүний сахилгагүй, өдөөн хатгасан инээмсэглэл хоёр л ой тойнд үлджээ. Хөгжмийн хэмнэл, согтууруулах ундааны нөлөөгөөр миний доторх "би" аль хэдийн хаалгаа нээчихсэн байж.
Нэг мэдэхэд бид гурав миний байрлаж байсан байшингийн зочны өрөөнд орчихсон, дахиад нэг шил юм задалж байлаа. Дотор халуу оргиж, ертөнц уусах мэт санагдана. Би хажуудаа суух Бат ахын мөрийг налахдаа түүний үнэтэй усны үнэр намайг нэг л тайвшруулж байгааг мэдэрсэн. Гэтэл нөгөө талаас Тэмүүлэн миний гарыг атгаж, чихэнд минь ямар нэгэн зүйл шивнэхэд биеэр минь цахилгаан гүйх шиг болсон юм. Энэ бол аюултай тоглоом байсан ч, би тэр мөчид зогсоохыг хүсээгүй.
Дараа нь юу болсныг би маш бүдэг бадаг санадаг. Харанхуй өрөө, гаднаас тусах сарны гэрэл, хоёр өөр төрлийн хүрэлт. Нэг нь маш зөөлөн, хүлээцтэй бөгөөд халамжтай. Нөгөөх нь түрэмгий, яаруу бөгөөд эрч хүчтэй......
